Gjestion dai spandiments

Lis oparis realizadis di là dal pont di consegne, o ben a vâl dal contadôr, a son di proprietât dal utent, che al è duncje dal dut responsabil sedi tai câs civîi che penâi.
Irisacqua duncje, no rispuint pai dams che a derivin di vuascj tai implants idrics privâts e no concêt sconts par eventuâls dispersions o spandiments dai implants di là dal contadôr, par cualsisedi cause produsûts.

Te eventualitât di dispersions di aghe tal implant privât che a derivin di spandiments platâts, causâts de roture di implants intierâts, murâts o cimentâts e dut câs no rilevabii dal di fûr in mût diret e evident e che no sedin causadis di trascuratece, a tacâ dal 1n di Setembar 2013 Irisacqua e à ativade une polize di sigurazion.
La polize e garantìs ai sigurâts il risarciment dai coscj che a son stâts zontâts in bolete.
No son di considerâ invezit spandiments platâts, chei che a rivuardin il spandiment di rubinets e parts di implants sanitariis di solevament o similârs.

Tal câs che al sedi aciertât un spandiment si à di:

• Denunziâ il dam compilant il modul di pueste, di trasmeti dentri di 30 dîs de scjadince de bolete
• Dimostrâ,ancje in timps diviers, ma dentri di 180 dîs de scjadince de bolete, di vê fat lis oparis par eliminâ il spandiment proviodint la fature pai lavôrs di riparazion e la documentazion fotografiche di cuant che si à cjatât e comedât il spandiment
• evidenziâ un consum superiôr dal 50% dal consum de utence tal an precedent

In presince di chestis cundizions, la polize e proviodarà a cuvierzi ducj i coscj in plui faturâts in bolete.

L’operatività della garanzia è subordinata alla presenza di due letture o autoletture annuali nello storico dell’utenza, dall’effettuazione delle quali è quantificabile la dispersione ed il perdurare della stessa. Qualora risulti solo una lettura o autolettura annuale, la garanzia è operante unicamente fino alla concorrenza di un importo per sinistro pari al 20% del corrispondente massimale di polizza.

Se invezit si vûl rinunziâ ae cuviertidure sigurative, al baste compilâ il modul di pueste.

In alternative, si vise che la Cjarte dal Servizi e proviôt il ricognossiment di un scont pai utents che a àn rinunziât ae sigurazion e par cui che al à patît une pierdite cuntun consum di mancul dal 50% dal storic de utence tal an prime.
In chescj câs, daspò di vê presentât il modul e dimostrât l’esecuzion des oparis par eliminâ la pierdite, Irisacqua e tornarà a calcolâ la bolete cu la tarife base dal servizi di acuedot.