Colegâsi ae fognadure

Cui che al vûl colegâsi ae rêt des fognaduris al à di presentâ a Irisacqua une richieste formâl di autorizazion al colegament compilant il modul relatîf a seconde di chescj câs:

1. Utence civîl o assimilade
2. Utence industriâl

zontant une copie dal paiament dai oblics pe istrutorie de pratiche e di dute la documentazion segnade tal modul.

Irisacqua e fasarà un sorelûc e e prontarà un preventîf.

L’utent nol è obleât a afidâsi a Irisacqua par realizâ il colegament ma al po indreçâsi a une dite di fiducie. In chest câs al à paraltri l’oblic di comunicâ il non de dite che e fâs i lavôrs e la date di inizi e conclusion dai lavôrs che a varan di jessi colaudâts dal personâl di Irisacqua prime che il colegament al sedi completât.

Lis utencis produtivis, in plui de domade di autorizazion al colegament di presentâ a Irisacqua, a àn l’oblic di presentâ al CATO la richieste di autorizazion al scaric e di domandâ che al sedi rinovât cun scjadince cuadrienâl.
In câs di subjentrade, lis utencis industriâls a àn l’oblic di domandâ la volture de autorizazion al CATO.
Pes informazions completis si à di cjalâ il Regolament Fognadure.