Agjevolazions

Par fameis di almancul 5 components (famee numerose) e pes fameis cuntun redit ISE (Indicadôr Situazion Economiche) inferiôr a 7.200 Euros (famee no benestante), a son previodudis des agjevolazions in tiermins tarifaris.

Par podê zovâsi al è suficient trasmeti:

• une declarazion sostitutive di at notori cul stât di famee (tal câs di famee numerose).
• un certificât ISE dât fûr di un CAF (viôt liste CAF provincie di Gurize) cu la atestazion di un redit ISE (Indicadôr Situazion Economiche) inferiôr a 7.200 Euros (tal câs di famee no benestante).

Il ricognossiment de agjevolazion al tache de date di presentazion de documentazion.
Nome in câs particolârs e je facoltât di Irisacqua chê di concedi, par boletis cun impuart di plui di 150 Euros, ai utents che a fasin domande, la rateizazion de bolete a pat che a sedin chestis cundizions:

• la domande e à di rivâ prime de scjadince origjinarie de bolete ogjet di dilazion;
• l’utence e sedi in regule cui paiaments precedents.